Një cigare shkurton 14 minuta jetë, një pije alkoolike 7 orë

Ju mund të mendoni se një konsumimi i një cigareje s’është ndonjë gjë e madhe, por në fakt sipas një përllogaritjeje të re ajo ‘kushton’ 14 minuta nga jeta juaj.

Një websajt i ri ka përllogaritur se sa kohë nga jeta humbet një duhanpirës i alkoolizuar apo i droguar. Kështu pirja në mënyrë të rregullt e 20 cigareve në ditë shkurton 10 vjet jetë për një person, thuhet në studim, ndërsa të alkoolizuarit e shkurtojnë jetën e tyre me 23 vjet dhe të droguarit me 34 vjet.

‘Treatment4addiction’, websajti që zotëron informacione për personat e varur nga droga dhe alkooli ka përllogaritur sa vite nga jeta shkurtojnë personat që janë përdorues të rregullt të duhanit, alkoolit, kokainës, metadonit apo heroinës, duke u mbështetur në të dhënat që vijnë të gjitha nga burime zyrtare të marra nga Qendra Amerikane e Kontrollit dhe Parandalimit të Sëmundjeve dhe Shërbimit të Sëmundjeve mendore dhe Abuzimit me Substancat.