Një gazetar radioje qëllohet për vdekje

Një gazetar radioje në qendër të Filipineve u qëllua sot për vdekje duke e shndërruar në gazetarin e 34-t që vritet në Filipine gjatë pesë viteve të fundit, njoftoi një organizatë gazetarësh.

Bashkimi Kombëtar i Gazetarëve të Filipineve tha se Maurito Lim u qëllua për vdekje nga një person i hipur mbi motoçikletë.

”Lim u qëllua në kokë në ndërkohë që po dilte nga makina e tij, jashtë ambienteve të radios ‘dyRD’ në qytetin Tagbilaran të provincës Bohol”, tha kjo organizatë.

”Lim kishte një program radiofonik dhe kishte qenë kritik ndaj zyrtarëve lokalë të lidhur me tregtinë e drogës”, shtoi ajo.

Që nga viti 1986, në Filipine janë vrarë 172 gazetarë.