ODKB-ja gati për manovra paqeruajtëse në Ukrainë

Forcat paqeruajtëse të ODKB-së, aleanca ushtarake e ish-republikave sovjetike e drejtuar nga Moska, janë gati për çdolloj manovre paqeruajtëse duke përfshirë këtu edhe Ukrainën, deklaroi sot një përgjegjës i organizatës.

Forcat e Organizatës së Traktatit të Sigurisë së Përbashkët (ODKB), ekuivalentja ruse e NATO-s, “janë gati të marrin pjes në çdolloj operacioni paqeruajtës”, deklaroi sekretari i përgjithshëm i organizatës Nikolai Bordiouja për agjencinë ruse “Ria Novosti”.

“Forcat paqeruajtëse mund të vendosen në terriotriet e vendeve anëtare ose edhe në vendet e tjera”, theksoi Bordiouja.

ODKB-ja përfshin Rusinë, Bjellorusinë, Armeninë, Kazakistanin, Kirgistanin dhe Taxhikistanin.