OKB: 1 850 të vdekur dhe më shumë se 500 000 persona të larguar nga dhuna

Dhuna në Jemen ka shkaktuar vdekjen e 1 850 personave dhe rreth 500 000 banorë janë larguar nga shtëpitë e tyre, njoftoi sot zëdhënësi i OKB-së.

Sipas Ocha-s, organizëm i OKB-së që drejton situatat urgjente dhe që citon shërbimet shëndetësore në Jemen, ka rreth 7 394 të plagosur dhe 1 850 të vrarë.

Adrian Edwards, zëdhënës i komisariatit të lartë për refugjatët (HCR) të OKB-së theksoi se numri i personave të zhvendosur që prej muajit mars ka arritur në më shumë se 545 000.

Sipas tij, armëpushimi që përfundoi dje, i ka mundësuar HCR-së të dërgojë më shumë ndihma duke nisur nga qendra e shpërndarjes në Sana dhe Aden.

”Ndihma është shpërndarë në rajonet ku aksesi ka qenë i vështirë. Gjashtë avionë të ngarkuar me ndihma kanë mbërritur pa problem në Sana”, theksoi ai.