Paloka refuzon të paguajë gjobën për shpifjet ndaj Ramës, çështja në kushtetuese
Kur kanë kaluar 8 muaj nga dënimi nga gjykata me 200 mijë lekë gjobë me akuzën e shpifjes ndaj kryeministrit Edi Rama, deputeti demokrat Edi Paloka ka vendosur që të mos i paguajë asnjë lek, duke e çuar vendimin për apelim në Gjykatën Kushtetuese, duke kërkuar pezullimin dhe shfuqizim të vendimit të mëparshëm të gjykatës.
Paloka u dënua më 5 qershor së bashku me deputetin Arben Ristani, ndërsa pas shortit Kushtetuesja ka vendosur datën 29 mars për shqyrtimin e këtij apeli.
Sipas objektit të kërkesë padisë, kreu i grupit parlamentar të PD-s kërkon “Shfuqizimi si antikushtetues i vendimit nr.8, datë 05.06.2015 të Kolegjit Penal të Gjykatës së Lartë. Pezullimi i ekzekutimit të vendimit nr.8, datë 05.06.2015 të Kolegjit Penal të Gjykatës së Lartë”.
