Panariti: Në pikat e grumbullimit do të kryhen edhe procedurat doganore

Ministri i Bujqësisë Edmond Panariti, gjatë një inspektimi në pikat grumbulluese të produkteve të serave në zonën e rrethit të Beratit, u shpreh në ndihmë të këtij biznesi duke siguruar se “do të vijë shumë shpejtë shërbimi doganor në vendin e origjinës, për të shmangur vonesat në dogana”. “Prodhimi blihet pikërisht në këto pika të mëdha të grumbullimit duke reduktuar shitjen e fruta perimeve buzë rrugës me kosha, ku harxhohet një ditë e tërë dhe shiten 3-4 kile domate, ndërsa këtu në qëndrën e grumbullimit në një kohë rekord bëhen të gjitha transaksionet dorëzohet prodhimi merret pagesa dhe brenda një kohe shumë të shkurtër , shikoni për gjysëm ore trajleri do të marrë me qindra kuintalë domate.” tha ministri Panariti. Kreu i bujqësisë Panariti, teksa pa nga afër një pikë grumbullimi të perimeve në fshatin Drashovicë, u shpreh se këto njësi shmangin tregtimin e perimeve në rrugë.
Nëse ky shërbim vihet në eficensë të gjitha procedurat që bëhen në doganë si kontrolli i cilësisë së produktit, apo i sasisë të kryeheshin në vendin e origjinsës, c ka shmang qëndrimin për një kohë të gjatë të produktit në pika doganore. Panariti garantoi fermerët se produktet “Made in Albania” me ndihmën e qeverisë do jenë më shumë prezente në tregun europian.