PBB-ja regjistron rritje me 1,7 për qind në tremujorin e tretë

Prodhimi i Brendshëm Bruto (PBB) i Greqisë regjistroi një rritje me 1,7 për qind në tremujorin e tretë në raport me të njëjtën periudhë të vitit 2013, për herë të parë pas gjashtë viteve në recesion, theksoi sot shërbimi grek i statistikave (Elstat).

Sipas vlerësimit të parë nga ”Elstat”, Prodhimi i Brendshëm Bruto  në tremujorin e dytë ishte rishikuar në rritje me +0,4 për qind kundër një rënie me 0,3 për qind shfaqur fillimisht, sipas vlerësimeve të para në muajin shtator.

”Në një tremujor, PBB-ja është rritur me 0,7 për qind në raport me tremujorin e dytë të këtij viti”, sipas ”Elstat” që nënvizoi se ishte hera e parë që komunikata përfshinte të dhëna sipas sistemit evropian të llogarive buxhetore kombëtare (ESA 2010).