Përfundoi takimi i grupeve të punës të partive politike, nuk ka ndonjë marrëveshje

Në rezidencën e Bashkimit Evropian në Shkup, kanë përfunduar për sot, bisedimet e grupeve të punës të partive politike nënshkruese të marrëveshjes së Përzhinos, transmeton Telegrafi Maqedoni.

Me këtë rast, ambasadori i BE-së në Shkup, Aivo Orav, ka dhënë një deklaratë të shkurtër për mediat. Ai tha se bisedimet do të vazhdojnë dhe se partitë politike kanë nevojë për më tepër kohë për të gjetur një zgjidhje të pranueshme nga të gjitha palët, për nxjerrjen e vendit nga kriza politike.