Përfundon marrja në pyetje e Doshit; nuk i komunikohet asnjë akuzë

Ka përfunduar pak pas mesditës së sotme marrja në pyetje e deputetit tom Doshi nga dy prokurorët e çështjes.

Pas daljes nga Prokuroria e Përgjithshme, avokatët mbrojtës të deputetit Doshi thanë për mediat se, z. Doshi është ende me statusin e personit nën hetim. “Nuk ka ende asnjë akuzë konkrete”, thanë avokatët, duke shtuar se, edhe pse i kanë kërkuar prokurorisë të formalizojnë një akuzë për klientin e tyre, deri tani nuk ka asnjë akuzë konkrete.

Deputeti Doshi, i cili ndodhet në arrest shtëpie, mbërriti në mëngjes në Prokurorinë e Përgjithshme, për t’u marrë në pyetje, por gjithashtu, sikurse u tha, pritej t’i komunikohej zyrtarisht akuza ndaj tij, gjë që nuk ndodhi.

Procedimi ndaj deputetit Doshi është i regjistruar për kanosje, kallëzim dhe deklarim të rremë.