Policia e Shtetit- OSHEE: Të vendosur në aksionin kundër vjedhjes së energjisë elektrike

Drejtoria e Përgjithshme e Policisë së Shtetit bënë me dije nëpërmjet njënjoftimit për mediat se vijonë puna për evidentimin dhe vënjen para drejtësisë të vjedhësve të energjisë elektrike.

Në njoftimin për mediat të Policisë së Shtetit thuhet se “Vijon   puna e përbashkët e Policisë  së Shtetit dhe OSHEE-së, në të gjithë vendin dhe gjatë kësaj jave  kanë vepruar  130 grupe të përbashkëta  Polici – OSHEE dhe janë kryer kontrolle  të përbashkëta në 6.722 raste.

“Si rezultat i kontrolleve të kryera në terren  në abonentët biznes dhe familjarë, janë evidentuar  93 raste të vjedhjes së energjisë elektrike me  93  autorë. Nga këta janë arrestuar në flagrancë  33 persona të cilët akuzohen për vjedhje të energjisë elektrike dhe janë shpallur në kërkim  38 persona, si dhe ndiqen në gjendje të lirë 22 persona. Gjithashtu  janë ndërprerë 5.159 lidhje të abonentve debitorë dhe 93 lidhje të paligjshme. Si dhe  janë kontrolluar 264 kabina elektrike dhe abonentët që furnizohen nga këto kabina”, bënë të ditur e Policisë së Shtetit.

Policia e Shtetit dhe OSHEE  janë të vendosur ta çojnë  deri në fund punën e nisur ,  deri në shkëputjen e fundit të lidhjeve të paligjshme, duke përballur  me forcën e ligjit të gjithë ata persona, të cilët abuzojnë me energjinë elektrike.