Policia grushta dhe shqelma fytyrës një qytetari. MB: SHKB do të nisë hetimin
Nuk është hera e parë që publikohen dëshmi me zë e figurë sesi efektive policie dhunojnë qytetarët.
Ky rast, më i freskëti ndodhi dje, më datë 19 Shkurt në Kavajë. Kështu shprehet një qytetar që kërkon t’i ruhet anonimati teksa dërgon këtë video në adresën e agjencisë së lajmeve, BalkanWeb. Në pamje vërehen 4 policë. Dy mbajnë nga krahët një person, njëri e godet me sa fuqi ka me shqelma në fytyrë kurse personi i katërt me uniformë policie nuk ndërhyn por ndjek lëvizjet e kolegëve.
Më tutje vërehet një makinë tjetër policie që pret t’i dorëzohet i sapo shoqëruari. Pamjet filmike 13 sekondëshe dhe janë realizuar me celuar nga një qytetar që u ndodh rastësisht në këtë operacion policie.
Ndërsa Ministria e Brendshme bën me dije se rasti do t’i referohet Shërbimit të Kontrollit të Brendshëm.
