Princi takon familjarët e të zhdukurve dhe bashkatdhetarët e tij

Princit të Wellsit, Charles në sheshin “Ibrahim Rugova”, ka takuar qytetarë të shumtë të cilët e kanë falënderuar për vizitën e tij në vendin tonë.

Kurse, gra nga shoqata “Thirrjet e Nënave”, i kanë kërkuar që t’i bëjnë presion Serbisë në mënyrë që t’i kthejë më të dashurit e tyre të zhdukur, ndërsa kriminelet të dalin para drejtësisë.

Ai ka takuar edhe familjarët e personave të zhdukur nga lufta e fundit në Kosovë. Ferdane Qerkezi, me lot në sy iu rrëfye atij se i ende nuk i ka gjetur trupat e burrit dhe djemve të saj. Ajo luti princin Charles që t’i bëjë presion Serbisë që të kthejnë më të dashurit e tyre të zhdukur e që kriminelet të dalin para drejtësisë.

Princi i Uellsit, Charles, ka marrë pjesë në pritjen e organizuar në një prej lokaleve të Prishtinës.

Ai është duke takuar bashkëqytetarët e tij të cilët punojnë dhe veprojnë në Kosovë.

Shkencëtarë, arkitektë, ndërmarrës, bursist, fotografë, organizata të ndryshme, media, aktorë të cilët punojnë në Britani e që janë kosovarë, po ashtu janë në këtë takim.

Ai ka vizituar edhe shtabin e përgjithshëm të Forcave të Kosovës – KFOR-it – në Prishtinë, ku vuri kurora edhe te Memoriali i ushtarëve britanikë.