Prishtina rrezikon rizgjedhje, LDK e PDK kundër buxhetit

LDK dhe PDK janë shprehur kundër buxhetit. Këshilltarët e këtyre dy subjekteve thanë se buxheti është ambicioz. Nëse pika nuk kalon, atëherë Prishtina shkon në zgjedhje për Kuvendin Komunal.

Kuvendi Komunal i Prishtinës ka gjasë të shpërbehet nëse partitë nuk arrijnë pajtim për ta votuar buxhetin e propozuar nga kryetari Shpend Ahmeti.

Sami Hamiti ka thënë se grupi i asambleistëve të LDK-së nuk do ta votojë këtë buxhet, nga se ai nuk asgjë të re nga ai i vitit të kaluar.

Edhe Grupi i këshilltarëve të PDK-së ka thënë se nuk do ta votojnë buxhetin. Lirak Çelaj thotë se ata kanë pritur më shumë nga kryetari i ri i kryeqytetit.

Në rast se nuk miratohet buxheti për kryeqytetin, atëherë mund të shkohet në zgjedhje për Kuvend Komunal.

E në prezantimin e tij, kryetari i Prishtinës, Shpend Ahmeti ka akuzuar nivelin qendror përkatësisht Ministrinë e Financave që i dha komunës grante për 197 mijë banorë e jo për 380 mijë aq sa i dha deri sivjet.