Protesta e opozitës nëpër rrethe

Deputetë të opozitës dhe protestues bllokuan një nga kryqëzimet e aksit nacional Lushnje-Fier. Protestuesit bllokuan rrethrrotullimin e Plugut.

Në krye të protestuesve që bllokuan rrugën ishin deputetët Arben Ristani, por edhe Kozma Dashi, Bedri Miha, Astrit Veliaj dhe Liljana Elmazi.

Ndërkohë, rruga nacionale drejt veriut u bllokua në rrethrrotullimin e Milotit. Në këtë protestë ishin mbështetës të opozitës që drejtoheshin nga deputetët Aldo Bumçi, Helidon Bushati, Irma Kopliku, Alban Zeneli dhe Albina Dede.

Protestuesit qëndruan në mes të rrugës duke bllokuar trafikun.