Politika
Qeveria nis zëvendësimin e ambasadorëve: SHBA, Zvicër, Gjenevë, Vjenë…
Qeveria ka nisur procesin e zëvendësimit të disa ambasadorëve të cileve u ka mbaruar mandati prej disa vitesh apo kane mbushur moshen e pensionit. Ky proces ka qene bllokuar per shkak te ish presidentit Ilir Meta, proces i cili duket i zhbllokuar me ardhjen e z.Bajram Begaj, ne krye te shtetit.
Top Channel mëson se në krye të kësaj jave pritet të mbërrijë, në Komisionin Parlamentar për Politikën e Jashtëm, lista me propozimet e grupeve të para të ambasadorëve të. Si qeveria dhe presidenca nuk pranuan të komentojnë emrat e ambasadorëve të rinj.
Por një nga anëtarët e deputetëve të Komisionit Parlamentar për Politikën e Jashtëm në dijeni të propozimit të tregoi se:
Ilir Gjoni është ambasador në Zvicër, propozohet të shkojë ambasador në NATO, pasi ambasadori aktual Visho Ajazi Lika mbush moshen e pensionit.
Vendin e Gjonit propozohet ta zërë analist, Mustafa Nano i cili më parë ka qenë pjesë e shërbimit diplomatik.
Vendin e mbetur bosh në Emiratet e Bashkimit Arabe nga Ermal Dredha i cili kandidoi dhe fitoi si kryebashkiak i Vlorës, propozohet për tu zëvendësuar nga Ridi Kurtezi, ambasador aktual në Malin e Zi.
Ambasadorja e Shqipërisë në Holandë Adia Sakiqi, do të emërohet ambasadore në një tjetër shtet në BE.
Ish nënkryetarja e kuvendit Vasilika Hysi është përballë Misionit të Përhershëm të Shqipërisë, në Gjenevë .
Ndërsa diploma shqiptare në kryeqytetin e Austrisë, pritet të drejtohet nga ish deputeti socialist Fate Velaj.
Ervin Bushati ish deputet dhe ish drejtues i PS Tiranë, është i favorizuar për të zëvendësuar ambasadoren Floreta Faber në SHBA.
Emërimi i ambasadorëve të rinj behet me propozimin e Ministrisë së Evropës dhe Punëve të Jashtme, dhe pasi merr aprovimin e kryeministrit, ato dergohen për miratimin e presidentit.
Natyrisht, me pare kandidatet per ambasadore, zhvillojne procesin e dëgjimit në Komisionin Parlamentar për Punët e Jashtme.
