Rama: 12 fakte për ndeshjen Serbi- Shqipëri
Kryeministri Edi Rama ka publikuar një fotografi në facebook ku renditen 12 fakte të ndeshjes Serbi- Shqipëri të shoqëruara me fotografi gjatë goditjes së kombëtares kuqezi.
Ndër faktet e renditura ai përmend bllokimin e 45 qytetarëve shqiptarë të martën në orën 15:00 në aeroportin e Beogradit; Shqipëria nuk dërgoi në Beograd tifozë për të shmangur incidentet; ambasadori shqiptar në Beograd shkoi në aeroport për të zgjidhur situatën, por nuk u lejua të kontaktonte me qytetarët shqiptarë; ministri i jashtëm shqiptar nuk mundi të komunikonte dot me homologun e tij serb Ivica Daçiç për shkak se ministri serb nuk ishte i gatshëm; në 8:45 në nisje të ndeshjes tifozët serbë fërshëllyen në unison himnin shqiptar; në stadium u lëshuan për një kohë të gjatë thirrjet “vritini shqiptarët”, “vritini shqiptarët, vëllezër të kroatëve”; objekte u hodhën në fushë gjatë ndeshjes; gjatë kohës që ndeshja ishte e ndërprerë një baner me simbole shqiptare u pa të fluturonte mbi stadium, ndërkohë që mijëra flamuj serb ishin shpalosur; nuk ka asnjë fakt që të lidhë fluturimin e banerit me shqiptarët në stadium; në këtë moment fansa dhe huliganë u futën në fushë dhe goditën futbollistët shqiptarë; shërbimi i sigurisë i cili supozohet se garanton qetësinë dhunuan psikologjikisht skuadrën shqiptare; pas 3 orësh të bllokuar në stadium skuadra dhe qytetarët shqiptarë lanë aeroportin e Beogradit.
