Reforma në drejtësi, Luan Rama: Është e domosdoshme, gati ta votojmë që nesër

Sekretari i Përgjithshëm i Lëvizjes Socialiste për integrim, Luan Rama, u shpreh sot në një prononcim për mediat se, reforma në drejtësi është e domosdoshme dhe duhet të ishte kryer vite më parë.

Luan Rama, ftoi PD dhe PS që të gjejnë gjuhën që bashkon interesin europian të shqiptarëve tek realizimi sa më parë i reformës.

“Kjo nuk është një çështje interesi individual apo partiak, është çështje interesi për qytetarët shqiptarë, që drejtësia të ketë standarde europiane”, deklaroi Rama.

Ai nënvizoi se, LSI është e gatshme në çdo kohë të kontribuojë për miratimin e saj. “Ne jemi gati që nesër. LSI do të vijojë të jetë kontribuese për reformën në drejtësi dhe çdo reformë tjetër europianizuese”, shtoi Luan Rama.