Rihanna i tregon Drake se çfarë ka humbur

Rihanna është parë për herë të parë në publik që pas lajmit të ndarjes së saj me Drake. Ylli 28-vjeçar i R&B është parë në Nju Jork me një fund të shkurtër të kuq, ku nxjerr në pah këmbët e saj.

Ndërsa një bluzë ‘casual’ gri kompleton lukun e saj me këpucë të kuqe me takë shumë të lartë.

Një burim ka thënë për “E!” se dashuria e tyre nuk ishte e mjaftueshme për të pasur një lidhje eksluzive duke pranuar: “Rihanna dhe Drake po shohin për të tjera lidhje për momentin. Nuk përbëjnë më ekskluzive”. Megjithatë i njëjti burim thotë se nuk është hera e parë që çifti ndahet dhe bashkohet, kështu që ndoshta nuk është as e fundit.