Roma: Destro nuk është në shitje

Roma e ka paralajmëruar Juventusin se nuk dëshiron ta shesë sulmuesin Mattia Destro.

Italiani pëlqehet nga trajneri Massimiliano Allegri, i cili i ka kërkuar shërbimet e tij.

Megjithatë, sipas Corriere della Sera, drejtori i Giallorossëve, Walter Sabatini, e ka informuar Juven se 23-vjeçari nuk është shitje.

Madje, thuhet se Roma ka refuzuar një ofertë prej 20 milionë eurosh nga Wolfsburgu për Destron.

Trajneri Rudi Garcia pret që sulmuesi italian të shkëlqejë në sezonin e ri.