Rrëzohet kërkesa e Mark Frrokut për mbylljen e hetimeve: Arrestimi im, politik

Gjykata ka rrëzuar kërkesën e deputetit kristian-demokrat Mark Frroku për mbylljen e hetimeve ndaj tij. Kështu, Gjykata e Lartë ka lënë në fuqi vendimin për zgjatjen e hetimeve për Mark Frrokun deri më 28 dhjetor të këtij viti. Vetë deputeti e ka cilësuar të paligjshëm dhe tërësisht politik arrestimin e tij.

“Arrestimi im është i paligjshëm. Nuk më lënë të shkoj në Kuvend. Po më shkatërrojnë familjen dhe biznesin”, u shpreh Frroku.

Deputeti kristian-demokrat mbahet në burg prej disa muajsh me akuzën e vrasjes së një bashkëkombësi disa vite më parë në Belgjikë.