Vuçiç: Eksplozivë shkatërrues gjenden në tubacionin e gazit drejt Hungarisë

Eksplozivë me forcë shkatërruese dhe fitilat përkatës u gjetën në një tubacion gazi në Serbi që të çon në Hungari, tha sot presidenti serb, Aleksandar Vuçiç.

Vuçiç tha në Instagram se e kishte diskutuar tashmë çështjen në telefon me kryeministrin hungarez Viktor Orban.

Orban konfirmoi telefonatën me Vuçiçin dhe njoftoi një takim krize të këshillit të mbrojtjes së vendit të tij për sot pasdite.

Hungaria do të mbajë zgjedhjet parlamentare pas një jave, më 12 prill.

”Hetimet për zbulimin e eksplozivëve po vazhdojnë”, thanë Vuçiç dhe Orban.

Të dy kanë ruajtur prej kohësh marrëdhënie të mira.

Vuçiç tha se eksplozivët u gjetën pranë fshatit Velebit në kufirin hungarez në tubacionin ”Balkan Stream”.

Tubacioni transporton gaz natyror rus nga Turqia përmes Bullgarisë, Serbisë dhe Hungarisë./  a.jor.