Shtëpia e Bardhë detyrohet ta mohojë se Trump ka qenë i shtruar në spital

Shtëpia e Bardhë është përpjekur të mohojë fjalët që qarkullojnë në mediat sociale, sipas të cilave presidenti Donald Trump ishte i shtruar në spital në Qendrën Mjekësore Ushtarake Kombëtare ”Walter Reed” në Bethesda.

“Nuk ka pasur kurrë një president që ka punuar më shumë për popullin amerikan sesa presidenti Trump. Këtë fundjavë të Pashkëve, ai punoi pa u lodhur në Shtëpinë e Bardhë dhe në Zyrën Ovale. Zoti e bekoftë”, shkroi zëdhënësi i Shtëpisë së Bardhë Steven Cheung në X.

Ndërkohë, një gazetare e njohur e CBS News, Emma Nicholson, ndau një foto në X që tregon një roje të Marinës në hyrje të Krahut Perëndimor, duke treguar se “presidenti po punon brenda”.

Shëndeti i Trump është një çështje kyçe në mandatin e tij të dytë, pasi ai është ndër banorët më jetëgjatë të Shtëpisë së Bardhë.

Fjalët rreth vizitës së tij te ”Walter Reed” qarkulluan në mediat sociale pasi Shtëpia e Bardhë njoftoi në orën 11:00 se presidenti nuk do të bënte asnjë paraqitje publike për pjesën tjetër të ditës.

Ky ishte një veprim i pazakontë për presidentin, i cili normalisht udhëton në Mar-a-Lago për të luajtur golf në fundjavë.

Vizita e fundit e Trump në spitalin e presidentëve ishte tetorin e kaluar.

“Po, bëra një rezonancë magnetike. Ishte perfekte,” u tha manjati gazetarëve në bordin e ”Air Force One”, pa shpjeguar arsyen e testeve, të cilat mund të përdoren për të identifikuar probleme të ndryshme.

“Mjeku tha se është një nga raportet më të mira që kanë parë ndonjëherë, për moshën time”, shtoi presidenti.

Kur u pyet për arsyet e rezonancës magnetike, ai i këshilloi gazetarët të “pyesnin mjekët”.

Në vitin 2025, Shtëpia e Bardhë njoftoi se manjati ishte diagnostikuar me pamjaftueshmëri kronike venoze.

Zëdhënësja Karoline Leavitt shpjegoi se gjendja u zbulua pas ënjtjes në këmbë./ a.jor.