Rritet sasia e arit monetar në rezervat devizore të Maqedonisë

Banka Popullore e Maqedonisë e ka ritur sasinë e arit monetar në rezervat devizore të vendit, përmes procedurës së shkrirjes së monedhave jubilare dhe marrjes definitive të mjeteve të arit në ar monetar, përcjell Telegrafi Maqedoni.

BPM-ja bën të ditur se janë rritur sasitë e arit monetar për 2.288 onzë. Siç thuhet në njoftimin e saj, BPM-ja ka siguruar gjashtë shufra të reja të arit monetar, me vlerë tregu prej rreth 2.6 milion euro, që i plotëson standardet për cilësi, të vërtetuara në tregun e metaleve të çmueshme në Londër.