Rrjeti i transmetimit, Shqipëria pjesë e rrjetit europian të energjisë

Pas një procesi të gjatë negociatash, Shqipëria është anëtarësuar zyrtarisht në rrjetin që përmbledh operatorët europianë të transmetimit të energjisë.
Sekretari i Përgjithshëm i këtij institucioni deklaron se anëtarësimi do të rrisë rolin e Shqipërisë në sistemin europian të energjisë.
“Ky është një hap i rëndësishëm për Europën që të mirëpresë një anëtar të rinj në rrjetin e transmetimit dhe mendoj gjithashtu se kjo do t’i mundësojë Shqipërisë të ketë një zë më të fortë në sistemin energjetik të Europës”, thotë Laurent Schmitt, Sekretari i Përgjithshëm i ENTSO.
Por përfitimet më të mëdha janë ekonomike, pasi integrimi bën në rrjetin europian bën të mundur që Shqipëria të tregtojë energji me çmime të favorshme.
“Kjo i mundëson Shqipërisë të shkëmbejë energjinë e saj më mirë më vendet e tjera, pra më shumë integrim dhe më shumë siguri për furnizimin me energji”, shprehet Schmitt.

“Ne do te kemi mundësi të marrim energji me çmim me të lirë nga jashtë. Gjithashtu rritet shumë siguria për furnizimin e rajonit, por edhe për vendin”, tha Engjëll Zeqo, administrator i OST.