Samsung Gear VR do të kushtojë 199 dollarë?

Pajisja e realitetit virtual të ofruar nga Samsung, modeli i parë i saj, Gear VR ishte prezantuar nga Samsung gjatë muajit të kaluar, ndërsa kompania koreane ende nuk ka dhënë asnjë detaj për datën e saktë të lansimit e as çmimin e mundshëm të pajisjes e cila bartet në kokë.

Tani, sipas një raporti të ri medial thuhet se tashmë dihen detajet për kohën e lansimit të Samsung Gear VR, bashkë me çmimin e pajisjes.

Sipas këtyrë burimeve thuhet se Samsung Gear VR do të shitet për 199 dollarë, pas lansimit të saj fillestar në Korenë e Jugut. Data e lansimit të Samsung Gear VR në Kore dhe SHBA besohet se do të jetë 1 dhjetori i këtij viti, apo dikur më vonë gjatë muajit dhjetor.