Sekretari Kerry mbërrin në Prishtinë

Sekretari amerikan i shtetit, John Kerry mbërriti sot në Kosovë, ku u prit në aeroport nga kryeministri Isa Mustafa.

Gjatë vizitës në Prishtinë pritet që Kerry në Aeroportin Ndërkombëtar  “Adem Jashari”  të takohet me kryeministrin e Kosovës, Isa Mustafa dhe zëvendëskryeministrat, Hashim Thaçin e Branimir Stojanoviç.

Pas takimit sekretari Kerry dhe kryeministri Mustafa është parashikuar të mbajnë një konferencë për shtyp.

Axhendën e sekretarit Kerry e ka zbardhur për RTK-në ambasadori amerikan në Kosovë, Gregori Delawie.

Kerry, sipas tij, do të takohet edhe me disa të rinj që janë shkolluar në SHBA si dhe në pjesën e fundit të vizitës së tij do të japë edhe një konferencë për media.

Delawie në RTK tha se SHBA-të kanë qëndrim të prerë: nuk e përkrahin dhunën.