Shërbimi Kombëtar i Punësimit reagon ndaj akuzave të PD-së

Drejtori i Përgjithshëm i Shërbimit Kombëtar të Punësimit, Genci Kojdheli, një ditë pas akuzave të bëra nga PD për funksionimin e Zyrave të Punës ka reaguar në një deklaratë për shtyp, në ambientet e zyrës së Punës në Tiranë.

Duke dhënë sqarime për 6-mujorin e parë të 2014, Kojdheli nënvizoi se “në periudhën janar – korrik 2014, u disbursua fondi i nxitjes së punësimit prej 2.7 milionë dollarë, tre herë më i lartë se viti i kaluar”. Ai shtoi më tej se në vitin 2014 aplikuan plot 345 biznese, ose 5 herë me tepër se viti i kaluar, dhe u punësuan më tepër se 3000 punëkërkues të papunë.

Ndërkohë Kojdheli gjatë fjalës së tij, theksoi se  “zyra e Punës dhe Shërbimi Kombëtar i Punësimit nuk ka asnjë kompetencë lidhur me punësimin e qytetarëve në administratën publike, por ka fokus tek ndërmjetësimi i vendeve të lira të punës të bizneseve private”. Në këtë kuadër, ai tha se hapja e 8-të zyrave të punës në Shqipëri, nuk i kanë kushtuar buxhetit të shtetit pasi janë bërë me kontributin e bizneseve private