Si do të reagojë Kosova për pavarësinë e Katalonjës? Flasin në MPJ
Parlamenti Katalonjës ka votuar orë më parë që ta deklarojë pavarësinë nga Spanja. Ky veprim u mbështet nga një votim 70 -10 të bojkotuar nga deputetët e opozitës. Por, tash pavarësinë e Katalonjës duhet të njohin edhe shtetet e botës. Në MPJ kanë treguar se çfarë do të bëjnë.
Katalonia e ka shpallur pavarësinë si shtet duke u ndarë nga Spanja. Vendimin për këtë e ka marr Kuvendi i Katalonjës, duke u mbështetur nga një votim 70-10 të bojkotuar nga deputetët e opozitës.
Ndaj këtij veprimi kanë reaguar edhe shtet më të mëdha të botës. Deri tani SHBA, Brukseli, Gjermania dhe Britania kanë bërë me dije se nuk do ta njohin pavarësinë e Katalonjës.
Për pavarësinë e Katalonjës kanë folur për Express edhe në Ministrinë e Punëve të Jashtme, por nuk kanë dhënë ndonjë përgjigje konkretet se a do ta njohe Kosova apo jo shtetin e ri.
“Politika e Jashtme e Kosovës funksionon ne sintoni të plotë me Uashingtonin dhe Brukselin”, ka thënë për Express Jetlir Zymber, këshilltar i ministrit të MPJ’së, Behgjet Pacolli.
E, Kryeministri spanjoll, Mariano Rajoy, më herët u ka thënë senatorëve që pushteti direkt nevojitej për ta rikthyer “ligjin, demokracinë dhe stabilitetin” në Kataloni.
Kriza në Spanjë filloi kur katalunasit mbështetën pavarësinë në një votim ilegal më herët gjatë këtij muaji.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.