Sigurohet financimi për ndërtimin e hekurudhës Tiranë-Rinas-Durrës

Ministri i Transportit dhe Infrastrukturës Sokol Dervishaj, ka zhvilluar një takim me përfaqësues të Bankës Europiane për Rindërtim dhe Zhvillim  lidhur me projektet në Infrastrukturë dhe Transport. Ministri Dervishaj takimin e parë e zhvilloi me drejtorin e BERZHIT për Shqipërinë z.Mateo Colagneli, me të cilin u diskutua për projektin e linjës së re hekurudhore, Tiranë-Rinas-Durrës.

Z. Dervishaj tha se pala shqiptare është e angazhuar maksimalisht për ta ndërtuar këtë linjë të re hekurudhore, brënda afateve të caktuara nga donatorët. Ministri Dervishaj kërkoi përfshirjen në projekt edhe të stacionit të vjetër të trenave në Tiranë, për ta lidhur më tej me Kasharin, propozim që gjeti mbështetjen nga drejtori i BERZH.
Nga ana e tij drejtori Colagneli, tha se synohet firmosja e marrëveshjes brënda këtij viti, për ti hapur rrugë fillimit të punimeve në 2017. Z. Colagneli njoftoi se janë siguruar fondet për implementimin e këtij projekti strategjik.
Ministri theksoi se kjo linjë e re hekurudhore do ti japë një dimension dhe zhvillim të ri transportit hekurudhor.