Sikorski: Kemi të bëjmë me një luftë në Ukrainë

 Ne kemi të bëjmë me një luftë në Ukrainë, konfirmoi sot ministri polak i Punëve të Jashtme, Radoslaw Sikorski.

“Nëse kjo duket si një luftë, ka pamjen e një lufte dhe vret si një luftë, është një luftë”, shkruan Sikorski në rrjetin social Twitter.
Sikorski iu përgjigj gjithashtu me një mesazh në rrjetin social Twitter homologut suedez, Carl Bildt, i cili kishte shkruar : “Duhet t’i quajmë gjërat me emrin e tyre, është pushtimi i dytë rus në Ukrainë që prej një viti”.
NATO i kërkoi Rusisë për ndërprerjen e veprimeve ushtarake të paligjshme në Ukrainë dhe nuk ka mbyllur portën për një anëtarësim të Kievit në Aleancën Atlantike.
Duke dënuar një përshkallëzim të rëndë të agresionit ushtarak rus, sekretari i përgjithshëm i NATO-s, Anders Fogh Rasmussen dënoi me tone të ashpra shkeljen e herë pas hershme nga Rusia të detyrimeve ndërkombëtare