Ekonomia
Kompensimi i ish-pronarëve, ndryshon formula, rihapet afati për dosjet e mbetura
“Sipas përllogaritjeve tona, janë 4672 vendime që impaktohen nga ky vendim dhe vlera financiare 18,5 miliardë lekë”, tha zv.ministrja e Drejtësisë, Adea Pirdeni.
Një pronë që në vitin 1944 ka qenë arë, sot në 2022 është kthyer në truall, çka do të thotë se edhe vlera e asaj prone është më e lartë, gjithmonë duke iu referuar çmimit të kohës së shtetëzimit.
Projektligji hap gjithashtu një derë për dosjet e mbetura të pashqyrtuara nga ATP, duke vendosur tashmë një afat të ri. “Afati i ri brenda të cilit ATP duhet të shqyrtojë dosjet e pashqyrtuara duhet të jetë 31 dhjetor 2024. 6950 dosje të patrajtuara nga ATP për shkak të përfundimit të afatit ligjor”, tha Pirdeni.
Pas prezantimit në Komisionin e Ligjeve të draftit, u vendos shtyrja e diskutimeve për shkak se do të merren në shqyrtim edhe opinionet e grupeve të interesit.
