Sulmi mediatik kinez: Trump, një “fëmijë injorant”

Telefonata e Donald Trump me Presidenten e Taivanit përveçse theu politikën e Shteteve të Bashkuara të Amerikës të vendosur në 1979 –ën, kur marrëdhëniet formale mes palëve u ndërprenë, shkaktoi dhe debate dhe reagime të furishme  në Kinë.

Gazeta “Global Times” në një editorial e ka përshkruar presidentin Donald Trump si “fëmijë injorant” të politikës së jashtme.

“Politika e Kinës’ nuk mund të blihet dhe shitet, Trump, me sa duket kupton vetëm nga biznesi dhe beson se çdo gjë ka një çmim dhe në qoftë se ai është mjaft i lartë ai mund ta blejë dhe ta shesë me forcë”, thuhet në editorial.

Mungesa e përvojës së Trump, mund të shkaktojë probleme serioze dhe një krizë të vërtetë, pasi ai hodhi poshtë marrëdhëniet me Kinën.

Ministri i Jashtëm tha se Kina është seriozisht e shqetësuar, pasi veprimit të Trump çka vë në pikëpyetje bashkëpunimin dypalësh mes dy vendeve.

Retorika antagoniste ndaj Kinës ishte një tipar i fushatës së Trump.

Ai ka akuzuar Kinën për manipulimin e vlerës së monedhës së saj në mënyrë që të japi avantazhe produkteve të çmimeve në tregun amerikan.

Gjithashtu Trump ka bërë thirrje se produktet e importuara nga Kina janë shumë të kushtueshme, duke kritikuar disa kompani, çka mund të nis një luftë tregtare me Pekinin dhe të mbyllë tregun e saj të produkteve në SHBA.