Sulmi në Londër, identifikohet edhe atentatori i tretë

Policia britanike ka identifikuar atentatorin e tretë terrorist, i cili së bashku me dy të tjerë ekzekutuan shtatë persona mbrëmjen e së shtunës së kaluar në Urën e Londrës. Ai quhet Youssef Zagbha, 21 vjeç, me baba nga Maroku dhe nënë italiane.

Zagbha, i cili mbeti viktimë gjatë sulmit me thikë, i ekzekutuar nga policia britanike, ishte ndaluar në Bolonjë në vitin 2016, ndërsa ishte duke hipur në një avion për në Turqi, nga ku do të mbërrinte në Siri. Ai ka qenë nën vëzhgim nga autoritetet italiane, britanike dhe marokiane, i dyshuar si “luftëtar i huaj”.

Një ditë më parë, policia publikoi emrat e dy atentatorëve të tjerë, ku njëri prej tyre njihej si një person i radikalizuar.