Sulmohet me molotov shtëpia e një polici në veri

Persona të panjohur kanë sulmuar mbrëmë pas mesnatës me koktej molotovi shtëpinë e policit Ramadan Mustafiç në Mitrovicë, bëjnë të ditur burime të KosovaPress-it.

Sipas këtyre burimeve, molotovi është hedhur në verandën e shtëpisë së policit, e cila gjendet në ‘Lagjen e boshnjakëve’ në veri të Mitrovicës.

Shefi i policisë për rajonin e veriut, Zhelko Bojiç, ka konfirmuar ngjarjen për KosovaPress, duke thënë se ngjarja ka ndodhur mbrëmë rreth orës 01:15 pas mesnate.

Sipas tij, është sulmuar shtëpia e një polici të entitetit boshnjak, ndërsa nuk ka të lënduar në njerëz.

“Policia dhe njësitë e tjera përkatëse kanë reaguar menjëherë në vendngjarje dhe janë duke punuar intensivisht në zbardhjen e plotë të ngjarjes”, ka thënë Bojiç.