Supermakina humbet kontrollin, 26 të plagosur në Maltë (Video)

Më shumë se 20 persona janë plagosur rëndë pasi një milioner britanik humbi kontrollin e makinës së tij 1 milionë dollarëshe në një garë rally në Maltë.

Paul Bailey po ecte me shpejtësi me Porsche Spyder, kur makina rrëshkiti dhe u përplas me barrierat dhe spektatorët anës rrugës.

5 nga 26 të plagosurit janë në gjendje kritike për jetën, përfshirë një vajzë 6-vjeçare.

Një dëshmitar tha për ‘Times of Malta’: “Makina humbi kontrollin kur rrota e pasme preku në një pjesë me bar. U përplas direkt te spektatorët”.