Synonin të sulmonin Vatikanin, 18 të arrestuar në Itali, dyshohet të jenë pjesë e Al-Kaida

Policia e Sardenjës ka arrestuar 18 persona, të cilët dyshohet se do të kryenin një akt terrorist duke sulmuar Vatikanin. Operacioni i karabinierëve është finalizuar mëngjesin e sotëm në ishullin e Sardenjës, në 7 rajone të ndryshme.

Sipas hetimeve të deritanishme, dyshohet që këta persona të kenë lidhje me organizatën Al-Kaida. Ndërkohë, të arrestuarit dyshohet të jenë planifikues të shumë akteve të

Përgjakura, përfshirë këtu dhe sulmin më 28 tetor 2009 në tregun Mina në qytetin Peshaver të Pakistanit, ku humbën jetën 100 persona.

Theksohet se këto persona janë arrestuar për akuzën e “krijimit të organizatës për kryerjen e krimeve ndërkombëtare” dhe dyshohen të jenë pjesë të organizatës terroriste Al-Kaida, e cila mbron qëndrimin për luftën e armatosur kundër Perëndimit. Grupi në fjalë me qendër në Itali, gjithashtu merrej edhe me trafikantët.

Veçanërisht ndihmonte trafikantët pakistanezë dhe ato afganë, dhe i ndihmonte ata duke i dërguar nga Italia në veri të Europës që të kërkonin strehim politik, me pretendimin e diskriminimit nga feja dhe etnia. Pritet që Prokuroria e Cagliarit të mbajë një qëndrim zyrtar në lidhje me operacionin në fjalë.