Tabaku: Shqipëria nuk ka ekonomi tregu dhe konkurrencë

Deputetja e Partisë Demokratike, Jorida Tabaku ka publikuar një tabelë të 15 punëdhënësve më të mëdhenj në Shqipëri në 2021 nga Albanian Stats, ku thekson se në vend nuk ka ekonomi tregu.

“Për ato që mburren me shtetin e madh ky është rezultati! Në 15 punëdhënësit më të mëdhenj 13 janë shtetërorë! Ka dy shpjegime: Sot nuk ka ekonomi tregu dhe konkurrence sot shteti i madh ka zaptuar gjithçka”, tha ajo në postimin e saj në rrjetet sociale.

Sipas Tabakut, sistemi i taksave ka dështuar dhe duhet një sistem i drejtë.

“Sistemi i padrejtë i taksave me 6 nivele ka nxitur bizneset të “copëzohen” e të ndahen në disa kompani e biznese! Shqipëria sot ka nevojë për një sistem të drejtë taksash; për meritokraci; për treg të lirë; dhe konkurrencë! Sistemi aktual ka dështuar”, shprehet ajo.