Të paktën shtatë të vdekur pas një aksidenti hekurudhor

Të paktën shtatë persona kanë humbur jetën dje në mbrëmje pas përplasjes së një treni pasagjerësh dhe një autoveture, në veri të Nju Jorkut, njoftuan burime zyrtare.

”Drejtuesi i automjetit ka humbur jetën kur treni ka goditur makinën e tij që po kalonte mbi binarë dhe gjashtë pasagjerë të trenit kanë humbur jetën gjithashtu pas zjarrit që përfshiu një vagon”, theksoi guvernatori i Shtetit të Nju Jorkut, Andrew Cuomo, në një konferencë shtypi.

”Zjarri ka shkaktuar plagosjen e 12 personave”, sipas të njëjtit burim.

Autoritetet hekurudhore konfirmuan se përplasja kishte ndodhur pranë Valhallas, disa kilometra në veri të Manhatanit në shtetin e Nju Jorkut.