Thaçi uron 28 Nëntorin
Zëvendëskryeministri dhe ministri i Jashtëm i Kosovës, Hashim Thaçi, me rastin e festës së 28 Nëntorit, ka uruar gjithë shqiptarët, duke kujtuar se për këtë ditë u sakrifikuan shumë gjenerata që vendi të ketë institucionet e veta.
Thaçi në një postim në Facebook, të cilin e ka shoqëruar edhe me një fotografi të Flamurit Kombëtar, ka shkruar se të drejtat për të pasur institucionet nuk do të mund t’i tjetërsojë as një okupator e asnjë dhunues.
“Shumë gjenerata sakrifikuan të kemi të drejtën ta valojmë flamurin, të shprehemi shlirë, të kemi të drejtën e votës, të kemi Kuvend ku kuvendojmë, t’i kemi institucionet tona. Këto të drejta asnjë okupator, asnjë dhunues kurrë nuk do t’na tjetërsojë sepse kemi obligim t’i ruajmë edhe për gjeneratat që vijnë”, ka shkruar Thaçi.
