Thimonier: Franca vazhdimisht e mbështet Maqedoninë në rrugëtimin e saj euroatlantik
Ambasadori francez Christian Thimonier sot ka qenë për vizitë në Dibër dhe është takuar me kryetarin e Komunës së Dibrës, Ruzhdi Lata. Thimonier është takuar poashtu me profesorë të institucioneve që ligjërojnë gjuhën franceze, përcjell Telegrafi Maqedoni.
Pas takimit, Lata ka thënë se Thimonier ka biseduar rreth forcimit të bashkëpunimit të Dibrës dhe qytetin e Francës If si dhe rreth gjendjes aktuale në Maqedoni, njofton AIM.
‘Jam optimist se do të ketë zgjidhje për krizën politike. Janë të nevojshme hapat konkret, për mirëqenien e qytetarëve. Franca e mbështet Maqedoninë dhe pret të vazhdojë drejt rrugës euroatlantike dhe NATO-s’, ka theksuar ndër të tjera Thimonier.
Ambasadori poashtu ka pasur edhe takime me profesorë dibran të gjuhës franceze në shkolla. Ai ka potencuar se në Maqedoni, të gjithë qytetarët duhet të dinë sa më shumë gjuhë kurse frëngjishtja jep mundësi për bashkëpunim më të madh.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.