Tiranë mirëpret ministerialin BE-Ballkani Perëndimor, në fokus emigrimi dhe drejtësia

Tiranë mirëpret ministerialin BE-Ballkani Perëndimor, në fokus emigrimi dhe drejtësia
Tirana mirëpret sot Ministerialin BE-Ballkani Perëndimor për Drejtësinë dhe Punët e Brendshme, i organizuar nga Çekia si vendi që mban presidencën e radhës së Bashkimit Europian. Ky takim do të jetë i ndarë në dy pjesë, ku në ditën e parë do të fokusohet tek çështjet prioritare që lidhen me migracionin e paligjshëm dhe punët e brendshme, ndërsa në ditën e dytë do të fokusohet tek çështjet që lidhen me drejtësinë.

Në Tiranë, krahas ministrit të Brendshëm çek, Vit Rakusan dhe homologut të tij shqiptar, Bledi Çuçi, e pranishme do të jetë gjithashtu Komisionerja e BE për Punët e Brendshme, Ylva Johansson.

Të pranishëm do jenë edhe ministrat e Brendshëm të Kosovës, Maqedonisë së Veriut, Malit të Zi, Bonjë Hercegovinës, përfaqësues të lartë të EUROPOL, FRONTEX, Koordinatori Antiterrorizëm në BE si dhe përfaqësues të Suedisë dhe Spanjës.

Punimet e ministerialit do të nisin në orën 13:30 në Pallatin e Kongreseve. Pas takimit me dyer të mbyllura do të ketë një konferencë për mediat në orën 17:30 të Komisioneres Johansson, ministrit Çuçi dhe homologut çek, Rakusan.