Topi në Berat, kërkon mbështetje për kandidatin e koalicionit të majtë

Bamir Topi, kryetar i Frymës së Re Demokratike, ishte mbrëmjen e së premtes në qytetin e Beratit, ku në një takim me mbështetësit e kësaj partie kërkoi votat për kandidatin e koalicionit të majtë, Petrit Sina.

I shoqëruar nga të tjerë drejtues të kësaj partie, Topi pohoi se slogani i FRD-së i ka orjentuar drejt kualicionit me Partinë Socialiste në këto zgjedhje.

Topi e cilësoi si aset mjaft të rëndësishëm qytetin e Beratit, me mundësi të jashtëzakonshme turistike, gjë e cila pengohej nga një infrastukturë që linte shumë për të dëshiruar.

“Kandidati Sina do të jetë një kryetar bashkie për të gjithë qytetarët, duke mos qënë i ndarë me ngjyrime politike”, u shpreh ndër të tjera Topi.

Nga ana tjetër, Topi kërkoi votat dhe për partinë që ai drejton, gjë e cila do të rrisë mundësinë e përfaqësimit në këshillat bashkiakë.