Trump emëron Rex Tillerson si Sekretar Shteti

Rex Tillerson do të kryesojë Departamentin e Shtetit në Administratën e Donald Trump. Shefi ekzekutiv i kompanisë së naftës amerikane Exxon Mobil, Rex Tillerson u rendit në vitin 2015 në vendin e 25-të në mesin e njerëzve më me ndikim në botë, sipas revistës Forbes.

Ai ishte autor i një transaksioni që i dha kompanisë së naftës qasjen në burimet e Arktikut rus. Është një kundërshtar i zjarrtë i Protokollit të Kiotos dhe nuk ka përvojë politike ose diplomatike.

Pas krizës së 2008-ës pezulloi programin e reformave brenda Exxon Mobil, i propozuar nga klani Rockefeller, dhe i mundi duke arritur të mbajë postin e tij shoqëri.

Përgjatë 40 viteve të fundit, Tillerson ka lidhur marrëveshje në të gjithë botën. Kolosi i naftës është i pranishëm në 50 vende, përfshirë Rusinë ku është në partneritet me Rosneft.

Nëse do të konfirmohet atij do t’i ngarkohet detyra të menaxhojë raportet e tensionuara mes Rusisë dhe Shteteve të Bashkuara përfshirë sanksionet e vendosura ndaj Moskës për Ukrainën.

E megjithatë, rruga drejt konfirmimit të Tillerson nuk do të jetë pa pengesë, me rezistencën e republikanëve dhe demokratëve në Senat. Në fakt, raportet e tij me Rusinë kritikohen ashpër nga të dyja palët, veçanërisht pas rolit të supozuar të Moskës në zgjedhjet presidenciale.