Trump: Negociatorët iranianë kanë frikë se do të vriten nga Teherani

Negociatorët iranianë kanë frikë se do të vriten nga Teherani, deklaroi presidenti Donald Trump ndërsa fliste në darkën vjetore të mbledhjes së fondeve të Komitetit Republikan të Kongresit në Union Station në Uashington.

“Sipas mediave të lajmeve të rreme ne po e humbasim luftën kundër Iranit; e vërteta është se ne e kemi shkatërruar atë”, theksoi ai.

Presidenti amerikan, Donald Trump deklaroi para dy ditësh se  se Shtetet e Bashkuara dhe Irani kanë arritur marrëveshje për rreth 15 pika të një marrëveshjeje të mundshme.

“Ata kurrë nuk do të kenë një armë bërthamore. Ata kanë rënë dakord për këtë”, u tha Trump gazetarëve në Florida.

Ai përsëriti një deklaratë të mëparshme se ishin zhvilluar bisedime “shumë të forta” me Iranin dhe tha se ka “pika kryesore marrëveshjeje, do të thoja, pothuajse të gjitha pikat e marrëveshjes”.

Trump tha se të dy palët ndoshta do të flisnin në telefon më vonë sot.

Ai shtoi se SHBA-të nuk po negociojnë me udhëheqësin e ri suprem të vendit, Mojtaba Khamenei, por me personin që ai beson se është figura më e respektuar në Iran.

”Si Uashingtoni ashtu edhe Teherani duan të arrijnë një marrëveshje për t’i dhënë fund luftës”, theksoi presidenti amerikan.  /os/