Turqia bllokon edhe Reddit

Qeveria turke ka bllokuar edhe adresën e Reddit. Përdoruesit raportuan mbrëmjen e të hënës fillimisht se nuk mund të hynin në rrjetin social. Teksa nuk dihet ende se sa do të zgjasë ky bllokim.

Një faqe e internetit e qeverisë thotë se pas “një analize teknike dhe një konsiderate ligjore… janë marrë masa administrative për këtë faqe interneti”. Ky njoftim mban datën 13 nëntor.

Sipas kësaj deklarate, Reddit ka thyer ligjet kontroverse të Turqisë që kanë të bëjnë me internetin. Sipas këtij ligji, këhilli i lartë turk për telekomunikacionin mund të bllokojë faqe interneti për disa arsye dhe për këtë nuk i duhet autorizim.

Disa muaj më parë, qeveria për pak kohë bllokoi Tvvitter dhe Facebook të cilat u hapën më vonë.