Turqia rrëzon një avion të paidentifikuar në kufi me Sirinë

Autoritetet turke njoftuan rrëzimin e një avioni që kishte shkelur hapësirën e saj ajrore në afërsi të kufirit me Sirinë.

Raportimet e para në mediat turke flasin për një avion pa pilot, që mund t’i përkasë Sirisë.

Trupat e Bashar al Assad-it dihet që përdorin këto mjete për të goditur nga ajri objektivat rebele dhe ato të ISIS-it.

për momentin informacionet mbi këtë incident janë të pakta, por ai mbërrin pak ditë pas përhapjes së një lajmi të rremë që fliste për rrëzimin e një avioni rus nga Turqia, pas shkeljes së hapësirës ajrore prej këtij të fundit.

Rusia është angazhuar prej ditësh ushtarakisht në përkrahje të Basha al Assad-it dhe kundër ISIS-it dhe në të paktën 4 raste, avionët e Moskës kanë shkelur hapësirën ajrore turke.