Ushtria vret 55 rebelë kurdë gjatë tre ditëve sulme kundër PKK-së
Një ushtar turk dhe 55 anëtarë të dyshuar të Partisë së Punëtorëve të Kurdistanit (PKK) u vranë gjatë tre ditëve, gjatë operacioneve ushtarake në pjesën juglindore me shumicë kurde në Turqi, bëhet sot e ditur.
”Një ushtar turk u vra në Cizre, në provincën Sirnak”, bënë të ditur burime të sigurisë, gjatë një operacioni ushtarak-policor në shkallë të gjërë, nisur në fillim të javës.
”Prej ditës së mërkurë, 55 terroristë u vranë në Cizre dhe Silopi, kryesisht në provincën Sirnak”, njoftoi agjencia turke e lajmeve, AA.
Rreth 10 000 ushtarakë dhe policë si dhe një numër i shumtë automjetesh ushtarake janë dislokuar, referuar medias, për të larguar mbështetësit e rinj të PKK-së të cilët kanë kthyer lagje të tëra në zona lufte duke ngritur barrikada dhe gërmuar llogore.
