Vdes në spital efektivi rrugor, e aksidentoi polici i dehur i bashkisë

Polici i Qarkullimit Rrugor në Mirditë Dritan Mjeshtri ndërroi jetë në spitalin e Traumës, tre ditë pasi u përplas nga një makinë.

Mjeshtri nuk mundi t’i rezistojë plagëve të marra nga aksidenti, ku këtë të dielë u nda nga jeta.  Efektivi rrugor, i cili udhëtonte me automjetin e tij, u përplas nga një makinë që drejtohej nga polici i Bashkisë së Mirditës Ton Lleshi. Sipas policisë, efektivi bashkiak drejtonte makinën në gjendje të dehur.

Ngjarja ndodhi në rrugën Rrubik-Milot në fshatin e quajtur Fang.