Vizita e eurodeputetëve në Tiranë, BE: Frikë nga shpërthimi i dhunës

Bashkimi Europian, përmes komisioneres për Zgjerimin, Ferederica Mogherini ka shprehur shqetësimin për shpërthim të dhunës nga protestuesit e PD në prag të vizitës së disa eurodeputetëve në Tiranë, më 24 prill me qëllim negocimin për zgjidhjen e krizës politike ku është përfshirë vendin.

Lajmi bëhet me dije nga faqja zyrtare e Brukseli, EUreporter ku thuhet se deputetët e opozitës kanë bojkotuar parlamentin e vendit me qëllim bllokimin e reformës në drejtësi çka pritet të ketë impakt të drejtpërdrejtë në çeljen e negociatave të vendit me BE.

“Ligjvënësit opozitarë kanë refuzuar të marrin pjesë në zgjedhjet e 18 qershorit nëse kryeministri aktual Edi Rama nuk dorëhiqet duke i hapur rrugë krijimit të qeverisë teknike. Opozita i druhet faktit se qeveria mund të manipulojë zgjedhjet. Por Mogherini është ndër ata zyrtarë të BE që kanë shprehur shqetësim rreth bojkotit dhe që e përshkruan këtë dhe refuzimin e opozitës për t’u regjistruar për të marrë pjesë në zgjedhje për të ardhur keq”, thuhet në sajtin zyrtar të Brukselit.

Ditën e hënë, PD ka menduar ta përshkallëzojë më tej protestën e saj që prej më shumë se dy muajsh zhvillohet në një çadër të instaluar përpara kryeministrisë, duke bllokuar trafikun në disa akse të rëndësishme rrugore në kryeqytet dhe në disa qytete të vendit.