Vlorë, biznesmeni grabitet në hyrje të pallatit, i marrin 3.5 milionë lekë dhe “Benz”-in

Një biznesmen është grabitur në hyrjen e pallatit të tij në qytetin e Vlorës nga persona ende të paidentifikuar. Ai quhet Bukurosh Malaj dhe denoncimin e ka bërë vetë në “News 24”. Sipas Malajt, atij i janë vjedhur 3.5 milionë lekë dhe 185 euro si dhe makina, një “benz” me targa AA 154 CE.

Ngjarja ka ndodhur natën e shkuar, kur ai po shkonte në shtëpi me lekët e xhiros ditore. Tre grabitësit, të armatosur, pasi ia kanë marrë gjithçka dispononte, janë larguar me makinën e tij, e cila më vonë është gjetur në Kot, në vendin e quajtur Qafa e Dushkut. AtJE, ata kishin tentuar ta digjnin automjetin.